Martes, 26 Xaneiro, 2021
INICIO-NOVAS
Probas libres para a obtención de títulos FP (LOE). Aprazamento do proceso de admisión

Probas libres para a obtención de títulos FP (LOE). Curso 2019/2020. Aprazamento do proceso de admisión

Ven, 17/04/2020 - 09:56

Queda aprazado o proceso de admisión das probas libres para a obtención dos títulos LOE de técnico e de técnico superior de ciclos formativos de formación profesional.

En función da evolución da pandemia causada por Covid-19 publicarase, con antelación suficiente, o calendario de admisión para as probas libres correspondentes ao curso 2019-2020.

Fonte: http://www.edu.xunta.gal/portal/node/30831

 
O MEFP e as CCAA acordan manter a duración do curso escolar ata xuño

O Ministerio de Educación e Formación Profesional e as CCAA acordan manter a duración do curso escolar ata xuño

15/04/2020

  •     A avaliación será continua, a promoción de curso será a norma xeral e a titulación debe ser a práctica habitual para os alumnos de 4º de ESO e 2º de Bacharelato e FP
  •     O terceiro trimestre dedicarase á recuperación, o repaso e o reforzo con actividades debidamente tutorizadas e evitando sobrecargar aos estudantes
  •     A ABAU celebrarase entre o 22 de xuño e o 10 de xullo de 2020 en convocatoria ordinaria e antes do 10 de setembro en convocatoria extraordinaria, tal e como se acordou na anterior Conferencia Sectorial

Máis información en:https://www.educacionyfp.gob.es/prensa/actualidad/2020/04/20200415-sectorial.html

 
Nota informativa do CIFP Compostela. Reclamación contra as cualificacións

NOTA INFORMATIVA CIFP COMPOSTELA: RECLAMACIÓN CONTRA AS CUALIFICACIÓNS.

Dende o CIFP Compostela infórmase que:

  • A partir das 22.00 horas de hoxe venres 03/04/2020 accederase ás cualificacións de 2º trimestre de segundos cursos de ordinario en ABALAR.

 

Pódese acceder no seguinte enlace ao modelo de reclamación a cumprimentar:

Modelo de reclamación autoeditable (onde aparecen destacados os campos a cubrir).

Deberase enviar (dende a conta de correo da persoa que presenta a reclamación) cuberto e en prazo ao correo Esta dirección electrónica esta protegida contra spam bots. Necesita activar JavaScript para visualizarla (ata o 15 de abril inclusive).

 
Aprazamento das probas de acceso a ciclos formativos de grao superior

Probas de acceso a ciclos formativos de grao superior. Aprazamento da celebración da proba. Convocatoria 2020

Xov, 02/04/2020 - 16:23

Debido á situación provocada pola pandemia causada polo Covid-19 resulta necesario aprazar a realización da proba de acceso a ciclos formativos de grao superior de formación profesional prevista para o día 23 de abril.
Proximamente, en función da evolución da pandemia, publicarase un novo calendario de probas de acceso.

Fonte: http://www.edu.xunta.es/fp/probas-acceso-grao-superior-aprazamento-celebracion-proba-convocatoria-2020

 
Nota informativa do CIFP Compostela. Avaliación do segundo trimestre

NOTA INFORMATIVA CIFP COMPOSTELA.

Seguindo instrucións do 27 de marzo, , sobre a concreción de medidas a adoptar en relación coa avaliación do segundo trimestre, o CIFP Compostela informa:

  •           As avaliacións dos 2º cursos de ordinario rematarán o día 3 de marzo e procederase á publicación, á maior brevidade posible, para a súa consulta en ABALAR.
  •           As avaliacións de 1º cursos de ordinario e modular poderanse realizar ata finais de abril (informarase puntualmente de datas para a consulta das cualificacións en ABALAR).

Informar ademais que:

No período do 4 ao 13 de abril inclusive respectarase o período de vacacións polo cal non se enviarán traballos nin materiais ao alumnado.

En relación á FCT e Proxecto daranse instrucións á volta do período de vacacións.

 
A Consellería de Educación e a CIUG acordan que a ABAU en Galicia será o 7, 8 e 9 de xullo

A Consellería de Educación e a CIUG acordan que a convocatoria ordinaria da ABAU en Galicia será o 7, 8 e 9 de xullo

Luns, 30/03/2020 - 17:42

A Consellería de Educación, Universidade e Formación Profesional e a Comisión Interuniversitaria de Galicia (CIUG)acordaron hoxe fixar nos días 7, 8 e 9 de xullo as datas da convocatoria ordinaria da ABAU en Galicia para este ano. Trátase das datas nas que estaba prevista –con anterioridade á crise sanitaria– a proba extraordinaria en Galicia.

Deste xeito, cúmprese co prazo establecido a semana pasada en conferencia  sectorial para facer estas probas, que quedara fixado entre o 22 de xuño e o 10 de xullo, con marxe para publicar os resultados ata o 17 de xullo. No caso da proba extraordinaria, as partes acordaron agardar para a súa fixación, tendo en conta que –segundo o proposto polo Ministerio na conferencia sectorial – debería celebrarse antes do 10 de setembro, coa publicación de resultados antes do 18 dese mesmo mes.

A conselleira reiterou a necesidade de que as probas deste ano garantan de forma especial a igualdade de oportunidades e a equidade no acceso á Universidade. Neste sentido, trasladou aos representantes da CIUG que na conferencia sectorial o Ministerio propuxo un modelo de exame similar ao actual, cos mesmos tempos de realización, e cunha maior opcionalidade. O obxectivo é garantir que o alumnado poida acadar a máxima puntuación sen que llo impida o feito de non ter recibido algún dos contidos previstos.

Tanto a Consellería como a CIUG coincidiron en que un modelo de exame como o que estaba previsto contribúe a dar tranquilidade ás familias e, sobre todo, ao alumnado, que vén traballando sobre un determinado tipo de exercicios para preparar as probas.

 

Fonte: http://www.edu.xunta.gal/portal/node/30710

 
Publicadas listaxes de acceso a ciclos formativos de grao superior

Probas de acceso a ciclos formativos de grao superior. Sedes e listaxes definitivas de solicitudes e exencións. Convocatoria 2020

Ven, 27/03/2020 - 13:36

Publicadas a listaxe definitiva de solicitudes, a resolución definitiva de exencións e a asignación de centros e sedes para as probas de acceso a ciclos formativos de grao superior na convocatoria ordinaria 2020.

 
Consenso xeneralizado entre Ministerio e CCAA en manter o calendario escolar e aprazar a ABAU

Consenso xeneralizado entre Ministerio e CCAA en manter o calendario escolar e aprazar a ABAU

  • Carmen Pomar participou hoxe na Conferencia Sectorial de Educación
  • Avaliarase o segundo trimestre co traballo feito e modificaranse os contidos e competencias do terceiro
  • A ABAU desenvolverase antes do 10 de xullo, no caso da convocatoria ordinaria, e antes do 10 de setembro, no caso da extraordinaria
  • Ministerio e comunidades coinciden na necesidade garantirlle a equidade ao alumnado e de reducir incertezas
Mér, 25/03/2020 - 14:31

A conselleira de Educación, Universidade e Formación Profesional, Carmen Pomar, participou hoxe na Conferencia Sectorial de Educación, convocada para analizar o impacto e as medidas en relación coa interrupción da actividade lectiva presencial con motivo da declaración do Estado de Alarma por parte do Goberno Central. No encontro houbo consenso xeneralizado de manter o calendario escolar, co obxectivo de transmitir unha mensaxe de continuidade e normalidade respecto ao ámbito académico.

Nesta liña, acordouse avaliar o segundo trimestre co traballo desenvolvido ata a interrupción das clases presenciais e modificar os contidos e competencias básicas previstas para o terceiro trimestre. Estas modificacións abordaranse nunha xuntanza en abril. Ademais, decidiuse suspender este curso as probas de avaliación diagnóstica. Carmen Pomar agradeceu o esforzo que están a facer tanto docentes como familias para manter a poboación escolar activa e contribuír así á normalidade nesta situación excepcional.

Na súa intervención, a conselleira tamén reiterou a conformidade de Galicia co aprazamento da ABAU e co modelo de exame proposto polo Ministerio, como medidas necesarias para garantir a equidade a todo o alumnado que se presente ás probas de acceso á universidade. 

Así, na xuntanza consensuouse que as datas para a convocatoria ordinaria se sitúen entre o 22 de xuño e o 10 de xullo, con marxe para publicar os resultados ata o 17 de xullo, e para a extraordinaria antes do 10 de setembro, coa publicación de resultados antes do 18 dese mesmo mes. Canto ao exame, acordouse manter un modelo similar ao actual, cos mesmos tempos de realización, e aumentar a opcionalidade. O obxectivo é garantir que o alumnado poida acadar a máxima puntuación sen que llo impida o feito de non ter recibido algún dos contidos previstos.

Neste sentido, a conselleira avanzou que convocará proximamente a CIUG para abordar este tema e indicou que os tres reitores do Sistema Universitario de Galicia xa lle manifestaron a súa total colaboración para garantirlle ao alumnado a equidade no acceso á universidade.

Formación Profesional

Canto á Formación Profesional, insistiuse na necesidade de garantir que todo o alumnado titule, para o que o Ministerio anunciou a publicación dunha norma que vai fundir nun único módulo os actuais de Formación en Centros de Traballo (FCT) e de Proxecto. No caso dos ciclos de grao medio e na FP Básica, onde non existe módulo de Proxecto, establecerase un traballo final.

Na Conferencia analizouse tamén a convocatoria das oposicións ao ensino en cada Comunidade. Este tema, dada a heteroxeneidade de situacións, abordarase a vindeira semana nunha xuntanza específica.    

Cómpre sinalar tamén que a conselleira de Educación, Universidade e Formación Profesional, Carmen Pomar, demandoulle ao Goberno central un plan que permita a distribución de recursos para acabar coa fenda dixital nas comunidades con maior dispersión xeográfica, como é o caso de Galicia. A petición foi realizada por outras CCAA, como Asturias, Cantabria e Castela León. Trátase así de garantir o acceso de toda a poboación escolar á educación en liña.

Fonte: http://www.edu.xunta.gal/portal/node/30634

 
<< Inicio < Prev 1 2 3 4 5 6 7 8 9 10 Próximo > Fin >>

Páx. 6 de 23